dimarts, 12 de novembre de 2019

Mapo pri la povo de la ekstremdekstra partio Vox


Pasintdimanĉe Vox pli ol duobligis siajn sidlokojn (24 => 52) en la hispana parlamento, laŭdire ĝi estis la ĉefa profitanto de la severa disfalo de la dekstra partio Ciudadanos. Per tiu ŝanĝo, Vox fariĝis la tria forto en la parlamento. Nur Katalunio, Nafaro, Eŭskio kaj parto de Galegio saviĝis de la ekstremdekstra ondego

Fonto: Vilaweb

divendres, 8 de novembre de 2019

Anna Rosselló, jarcento da rezistado kiun hispana ĵurnalo ne povas forviŝi

En iu artikolo oni nomis ŝin "Matusalen (Metuŝelaĥ)" kaj "dorlotbesto de la sendependistoj". Ŝia vivo estis markita de la subpremado kaj la politika engaĝiĝo.



Anna Rosselló naskiĝis je la komenco de la diktaturo de Primo de Rivera. Ŝia eta figuro, kun leĝere krispita hararo, kunfandiĝas kun ŝia rulseĝo. Ŝi aspektas fragila, sed sur ŝiaj ŝultroj surportas jarcenton da historio, en kiu ŝi konis ĉiujn vizaĝojn de la subpremado kaj la mizero. Tamen, ŝi neniam perdis sian socian engaĝiĝon.
Dum ŝia sano tion permesas, ŝi partoprenas ĉiujn sendependismajn mobilizadojn. Pasintlunde, akompanata de sia filino Carme, ĉeestis en la avenuo Diagonal de Barcelono. Ĉe la frontlinio, inter miloj da manifestaciantoj, ŝi protestis kontraŭ la hispana reĝo Felipe la sesa, kun kataluna stelflago kaj afiŝo kontraŭmonarkia. Unu plia protesto el sia determino se ne estus pro la hispana ĵurnalo El Mundo.
Laŭ tiu ĵurnalo, Rosselló fariĝis la "Matusaleno sendependisma" kaj la "dorlotbesto de la manifestacio". La mencioj al ŝia batalado kontraŭ la frankoismmo, la ekzilo kaj la suferoj iĝis reduktitaj per granda dozo de fiignorado. "Finfine estis la elemeto plej pitoreska de tiu ĉi sendependisma kermesa karuselo, kiel estas ĉiu aŭtuna mobilizado de Katalunio post la verdikto de la 1-O" tekstis la artikolo.

Historio de subpremado, amo kaj ekzilo

Rosselló naskiĝis en Flix (1923), ŝi vivis en etoso tre politika ekde ŝia bebaĝo. Ŝiaj fratoj batalis ĉe la respublika armeo dum la civila milito kaj ambaŭ estis kondamnitaj de frankoismaj militprocesoj. Unu el ili pasigis sep jarojn en prizono kaj la alia ekziliĝis en Norda Katalunio (en francio). Por devigi lian revenon, la frankoismaj aŭtoritatoj ĉantaĝis la familion kaj enprizonigis la patron. Tiu mortis en la malliberejo en 1940. La oficiala klarigo pri lia morto estis: "li falis tra iu ŝtuparo". Neniu plusa detalo esis aldonita.

En la unua periodo de la postmilito, Rosselló ne travivis multajn ĝojojn, sed ŝi konatiĝis kun Josep Travesset. Malproksima familiano el urbo Balaguer, kun kiu ŝi renkontiĝis en Andoro. La renkontiĝo ne estis hazarda. Travesset estis la konekto-homo por transdoni leteron de la familio al la ekzilita frato loĝanta en Perpinjano. Tio kio komenciĝis per komplezado fariĝis amhistorio je la fino.

Travesset alvenis en Andoron post la fino de la Dua Mondmilito. Kiel multaj aliaj victimoj de la respublika ekziliĝo, Travesset trairis de la militaj tranĉeoj  la la koncentrejoj d'Argelers. Sed la suferado ne finiĝis tie. Pro la nazia okupado, li estis trudita labori en germana fabriko, de kie li sukcesis eskapi je la fino de la milito.

Krom la amo, Travesset kaj Rosselló kundividis revojn kaj idealojn. Ili ambaŭ estis esperantistoj kaj havis solidajn politikajn konvinkojn. Post ilia geedziĝo, ili ekloĝis en Barcelono, sed la nupto ne estis dolĉa. La reĝimo kontrolis ilin kaj la edzo estis malliberigita pro lia respublikisma pasinto. En 1956, jam kun Carme en la familio, ili decidis ekziliĝi. La politika kaj ekonomia situacio submetis ilin preskaŭ en mizeron.

En Sao Paulo, la ĉefa urbo de Brazilo, la geedzoj trovis la bezonatan stabilecon. Tamen, post la tempo, ilia deziro lerni superis la komfortiĝon akiritan kaj ili komencis vojaĝon tra suda kaj centra Ameriko. La celo? Konatiĝi kun la amerindianaj nacioj submetitaj al la hispana koloniismo. La familio trakuris pli ol 15.000 kilometrojn per ĉevalo tiranta dormejo-ĉaron kiun ili mem estis konstruintaj.

La politika konsciiĝo de Travesset kaj Rosselló pli kaj pli firmiĝis en ĉiu etapo de la vojaĝo. Ili vivis milde, eĉ tre milde. Monon ili ekhavis proponante prelegojn kaj vendante pentraĵojn kaj ankaŭ helpis la gastigemo de la popolanoj. Krom Brazilon, ili vizitis kaj vivis en Bolivio, Peruo, Ekvatoro, Kolombio, Panamo, Kosta Rika, Nikarakvo kaj Honduro.

La libro L'Amèrica Marginada, publikigita en 1978, atestas pri tiuj jaroj da esplorado kaj kunvivado kun amerikaj indiĝenoj. Sed tiu ne estas la sola literatura postrestaĵo, Rosselló verkis pli ol dudek librojn

En 1965, Tavesset kaj Rosselló revenis al Barcelono. Dum la lastaj jaroj de la reĝimo, ili intensigis la aktivadon kontraŭfrankoisma, al kiu sumiĝis ankaŭ ilia filino. Carme engaĝiĝis al PSAN provisional (Socialisma Partio por la Nacia Liberiĝo) kaj ŝi estis enprizonigita plurfoje. En 1975 ŝi estis torturita dum kvin tagoj en la policejo de la strato Via Laietana de Barcelono.


En letero subskribita en januaro de 1976, Rosselló denuncis:

"Oni aplikis al ŝi la tortursistemon nomata la stango. Ĝi konsistas el pasigi ferstangon inter kruroj kaj brakoj kiuj estis antaŭe ligitaj. La ekstremoj de la stango ripozantaj sur du tabloj, tiel ke la korpo pendas inter ili vizaĝ-al-planko.

En tiu pozicio, la policanoj vipegas la nudajn piedojn per ferbastonoj kaj rimenoj. Kiam la piedoj ŝveliĝas kaj ne tiom sentemas, oni plu batas per stango kies ekstremo finiĝis en akra pinta formo, kvazaŭ najla, kio efikis aparte dolore.

Ĉiufoje kiam ŝi perdis la konscion, oni malpendigis ŝin kaj ĵetis ŝin surplanken kun la celo ke ŝi rekonsciiĝu, oni draŝis ŝin per la samaj ferbastonoj kaj rimenoj, speciale damaĝante ŝian stomakon.
Fonto: Vilaweb

dilluns, 4 de novembre de 2019

Intervjuo al Pepe Beúnza, pioniro de la malobeo

Pepe Beúnza (Beas de Segura, Jaén, Andaluzio, 1947), unua politika malobeanto de la hispana ŝtato:

"Ni flankenlasas la timon je eksterordinara rapideco"


- "Ni plenigu la prizonojn kaj ni venkos, tiel okazis kiam homoj malobeis la militservon (en Hispanio)"

- "Nepras malobei maljustajn leĝojn"

- "La ŝtato bezonegas la aperon de iu kataluna ETA, ni ne falu en la trompon pri la perforteco"


Majstro de la pacifismo
Li naskiĝis en Jaén sed jan de 30 jaroj li loĝas en Katalunio. En 1971 li estis la unua konsciencobĵetanto al la hispana militservo. Li eniris en prizonon pro la defendo de siaj pacifismaj ideoj kaj kundividis la prizonan vivon kun membroj de ETA, anarkiistoj kaj komunistoj. El la oftaj debatoj kiujn ili havis, plifortiĝis siaj konvinkoj pri la ne-perforto, ne nur ĉar ĝi estis la plej nobla maniero batali sed ankaŭ pro ĝia pleja efikeco. La ŝtato eliminis la devigan militservon 30 jarojn poste, en 2001.

Intervjuas: Laia Bruguera

Kial vi prezentis en la juĝejo denuncon en kiu vi asertas ke vi devas esti juĝita pro la 1-O (dato de la balotado pri sendependeco en 2017)?
La memkulpiĝo estas ago kiu devenas el la ne-perforto kaj baziĝas en la principo de civila malobeo laŭ kiu, se registaro malliberigas justajn homojn, la loko de ĉiu justa homo estas la malliberejo. La verdikto estis venĝo kaj tial ni evidentigas al la juĝistoj ke ili kunlaboras al maljusta situacio. Tion ĉi, se oni unuope faras, estas ago de digneco sed, se oni tion faras organizite kaj kolektive, ĝi povas konduki al ŝanĝo en la registaro.

Multaj homoj diras ke ili ne plu timas. Ĝis kioma grado tio estas vero?
Ni lernis venki la timon pere de la prioritatigo de pli alta valoro, la persona digno. Kaj mi kredas ke ni atingis tion ĉar subskribi tiun paperon signifas defion al la juĝistaro, kiu konstatiĝis tre kruela kaj potenca. Ni multe progresis kaj tio okazis je eksterordinara ritmo, tio tre gravas, ĉar la forto de la frankoismo restanta kaj havanta povon, baziĝas sur nia timo. Se ni superas la timon, ni havas la povon.

Vi asertas ke ni estas pretaj por transiri al nova fazo de la ne-perforta lukto. Kie ni estas kaj kien ni devas celi?
Ĉiam devas esti dialogo ĉar ĉiuj konfliktoj finiĝas per intertraktado, kaj se ĝi ne okazas, oni devas denunci, tiel kiel ni faras nun. Sed la nova etapo estos la ne-kooperado kaj la civila malobeo. Kiam mekanikisto de la vilaĝo Reus rifuzis la riparon de polica aŭto uzata por subpremi manifestaciantoj de la 1-O, li estis akuzita pri malamo-krimo, sed tio estis falsa, temis pri ne-kooperado.

Ĉu nun estus la tempo ankaŭ por la polemikaj bojkotoj?
Ni devus favori, jam de nun, la entreprenojn kiujn ni opinias modelojn por la respubliko. Pli poste povas veni bojkotoj kaj pli drastaj aktivaĵoj. La respondeca konsumado estas ŝlosila. Kial ni devas aĉeti produktojn al entreprenoj kiuj donacas monon al Popola Partio aŭ al la Fondaĵo FAES aŭ al tiuj kiuj fiparolas pri ni?

Kiuj aktivaĵoj estas antaŭviditaj por tiu ĉi nova etapo?
En pli progresintaj fazoj de la ne-perforta lukto, centoj da homoj iras en prizonon. Por tio nepras la etapo pri civila malobeo. Oni elektas maljustan leĝon, kiel ekzemple la leĝon "mordassa" (buŝoŝtopilo) kaj oni malobeas ĝin. Se tion faras unu sola homo, ĝi estos simbola atesto, sed se oni faras tion grupe, la forto povas esti eksterordinara. Tiel faris Martin Luther King en Usono kaj Gandhi en Barato.

Sed ĉi tie oni batalas por la liberigo de naŭ homoj. Ĉu la solvo estas la plimultigo de malliberuloj?
Mi ne rakontas teoriojn, ni vidis tion dum la lukto de la konsciencobĵetantoj. Kiam 20.000, 30.000, 40.000 junuloj pretis enprizoniĝi, la deviga militservo finiĝis. Oni eliminis ĝin ĉar ne eblis superi tian forton.

Kaj tiuj kiuj ne deziras alfronti tian riskon?
Multaj homoj estas pretaj por tia heroa ago kia la enprizoniĝo, sed tiuj kiuj ne, povas denunci, subteni la kuraĝulojn, diskonigi, konstrui la respublikon...estas taskoj por ĉiuj.

Kiu devas gvidi tiujn ĉi aktivaĵojn pri civila malobeo?
Ni havas grandan problemon en Katalunio, nome ne estas unueca agado kaj kunordigado. La avantaĝo pri tio estas ke, la respondoj estas diversaj kaj originalaj kaj, sekve, oni malfaciligas la subpremadon. Mi preferas  agadojn organizitajn kaj gvidatajn sed la realo prenis alian vojon kaj ni devas adaptiĝi.

Vi diras ke la nuna polica perfortemo pruvas ke la ŝtato ne scias kiel sufoki ne-perfortajn aktivaĵojn.
Unue estis strategio bazita sur enfiltriĝo kaj provokado por profiti el la kolero kaj krei scenejon ŝajnige perfortema. Sur tiu premiso, la ŝtato devenas legitimita por vundigi kapojn per bulkugloj kaj klaboj. La polico ne estas nia malamiko, estas la "fiŝhoko" por deturni nin de nia celo. Tiu temo devas esti abunde diskutata ĉar, kiam ni falas en tiun trompon, ili libere povas praktiki  sian jam pretan subpremigan perforton.

Ĉu maltrankviligas vin ke oni iru sur tiu misvojo?
Tio maltrankviligas min ĉar la povuloj serĉas tion jam delonge; Ili deziregas la aperon de iu kataluna ETA, tial okazas tiom da subpremado sur la stratoj, tial la severegaj verdiktoj, tial oni arestaj junulojn akuzitajn pri terorismo sen ajna pruvo...Bonŝance la homoj rezistas tre bone. Sed se oni vidis kiel onia filo estis draŝita per klaboj, oni furiozas; Tiun teruran dramon ni devas eviti.

La dramo de Eŭskio.
Jes, sed la afero estas ke ili ne subite freneziĝis kaj tuta generacio komencis murdi homojn. Ni devas pristudi kiel aperis ETA kaj kial. La subprema sistemo tre feliĉis pri kiel ĉio finiĝis. Ĉi tie oni klopodas ke ĉio estu same kaj ni devas tion eviti.

Per què ha presentat al jutjat una denúncia en què diu que també ha de ser jutjat per l’1-O?
L’autoinculpació és un acte que prové de la no-violència i es basa en un principi de la desobediència civil que diu que si un govern empresona gent justa, el lloc de tota persona justa és la presó. La sentència és una venjança i per això interpel·lem els jutges perquè s’adonin que estan col·laborant amb una situació injusta. Això, si es fa sol, té un sentit de dignitat personal, però si es fa de manera organitzada i col·lectiva, pot canviar un gover
Per què ha presentat al jutjat una denúncia en què diu que també ha de ser jutjat per l’1-O?
L’autoinculpació és un acte que prové de la no-violència i es basa en un principi de la desobediència civil que diu que si un govern empresona gent justa, el lloc de tota persona justa és la presó. La sentència és una venjança i per això interpel·lem els jutges perquè s’adonin que estan col·laborant amb una situació injusta. Això, si es fa sol, té un sentit de dignitat personal, però si es fa de manera organitzada i col·lectiva, pot canviar un gover

dijous, 31 d’octubre de 2019

Komuniko de Demokratia Tsunamo

Esperanta traduko sube (kunteksto: la 10an de novembro okazos hispania balotado por elekti novan registaron)

Imatge

KOMUNIKO DE DEMOKRATIA TSUNAMO

La 9an de novembro ni meditigu ilin!

Demokratia Tsunamo vokas al malobeo kontraŭ la balotadtribunalo per organizado de kulturaj, politikaj kaj festaj aranĝoj la 9an de novembro.

Demokratia Tsunamo vokas al mobilizado la 9an de novembro kaj kunvokas al tago de kulturaj kaj festaj aktivaĵoj ekde la 16 h. ĝis la 22 h. por postuli al la ŝtato primediton.

Ke ĝi meditu pri la kondamno far la Supera Tribunalo al dekoj da politikaj prizonuloj kaj ekzilitoj.

Ke ĝi meditu pri la perfortema agado de la polico aplikita kontraŭ paca civitanaro.

Ke ĝi meditu pri sia malkapablo dialogi, pri la konstanta uzado de Katalunio kiel instrumento por politike profiti en la balotadoj,  pri kiel ĝi malhelpegas la efektivigon de fundamentaj rajtoj de la civitanoj.

Ke ĝi meditu ankaŭ pri kiel ĝi uzas la balotadtribunalon por detranĉi fundamentajn rajtojn en formo majusta kaj senlima.

Homoj jam meditis, la 9n de novembro estas bona tago por ke tion faru la ŝtaton.

Tial, ni vokas al ĉiuj urboj, vilaĝoj kaj kvartaloj por ke ili memorganizu tagon da kuluraj,  politikaj kaj festaj aranĝoj la 9an de novembro, inter la 9 h. kaj la 22 h.

Ni pruvu denove #LaForçaDeLaGent  (La forto de la homoj)

#SpainSitAndTalk

Kunvoka afiŝo

dimecres, 30 d’octubre de 2019

Gejunuloj tendumas ĉe placo Universitato de Barcelono


Ili petas la finon de la subpremado, referendumon pri memdetermino, amneston, garantiojn por la rajtoj damaĝitaj de la hispana Supera Tribunalo kaj dignan estontecon por la gejunularo.


Cento da gejunuloj tendumos sen difinita limdato en la placo Universitato de Barcelono por denunci la subpremadon suferata de Katalunio kaj por postuli la liberigon de la politikaj prizonuloj. 
Gejunuloj kaj studentoj kreis kvin komisonoj kaj antaŭvidas la okazigon de babilrondoj kaj atelieroj ekde jaŭdo ĝis la fino de la tendumado, kiu ne estis determinita sed dependanta de la decido de la asembleo aŭ eventuala forpelo far la polico.
Krom la kvindeko da tendoj okupantaj la placon, hodiaŭ okazos koncerto en  kiu intervenos la muzikgrupoj Ginestà, Roba Estesa, Companyia Eléctrica Dharma, la Juna Koruso de Orfeó Català, Ferran Exceso kaj Àlex Pérez & Co.
Morgaŭ matene okazos atelieroj kaj babiladoj pri feminismo, ekologio kaj loĝado. Posttagmeze okazos asembleo por valorigi proponojn kaj iniciatojn.
En manifesto, la tendumantoj diras ke ili estas la generacio de la 14a de oktobro kiu, fine diris "sufiĉe!" kaj kiu postulas respondecon al siaj politikaj reprezentantoj. Hodiaŭ estas la dua tago de studenta striko kunvokita de SEPC (la Studenta Sindikato de Katalunlandaro).
Fonto: Vilaweb
Imatge


dilluns, 28 d’octubre de 2019

Protestoj en Sants, ĉefa stacidomo de Barcelono

Centoj da homoj el ĉiuj aĝoj koncentriĝis hodiaŭ lunde ĉirkaŭ la stacidomo Sants, en Barcelono. Temas pri la 15a sinsekva tago de protestoj kontraŭ la verdikto kiu kondamnis la sendependistojn. La agado estis kunvokita de CDR (Komitatoj por la Defendo de la Respubliko) kaj la celo estis ĉirkaŭi la stacidomon, kiu estis sekurigita per ĉeno de policanoj.


dissabte, 26 d’octubre de 2019

La datumoj de Joe Brew (analizisto-ĵurnalisto)

(Klaku sur la grafikaĵoj por pligrandigi)






Fonto de la grafikaĵoj: ĉi tie





Centmiloj en la hodiaŭa manifestacio de Barcelono

Nova manifestacio por protesti kontraŭ la verdikto kaj la subpremado kolektigis kelkajn centmilojn de civitanoj el diversaj ideologioj.
Ĝis 115 kolektivoj, asocioj kaj sindikatoj de la civila socio aliĝis la pasintan 14an de oktobro al la manifesto kiu montras la rifuzon de la verdikto de la hispana Supera Tribunalo kiu kondamnas naŭ sendependismajn gvidantojn al punoj de inter 9 kaj 13 jaroj da prizono, pro deliktoj de sedicio kaj misuzo de publika monhavo. Inter la subskribintoj de la manifesto estas: Òmnium Cultural, sindikato CCOO, intersindikata-CSC, En Peu de Pau (Stara por Paco), sindikato UGT, SOS-rasismo, UFEC (Unio de Sportfederacioj), sindikato USOC,  Stop Mare Mortum (savŝipo-organizo por rifuĝantoj), Platformo por la Lingvo, SEPC (Studenta Sindikato)...ĉiuj ili konsentis, ke la verdikto estas la kulmino de procezo kondukanta al enjuĝiĝo kiu neniam devintus esti okazinta.



"Ni volas vin hejme"

"Amnesto" "Ĉesu subpremado"

"Libereco"

Fonto de la bildoj: Vilaweb

Spektu la videon: ĉi tie

#llibertat


dijous, 24 d’octubre de 2019

Kunvoko al manifestacioj en Britio

Oni kunvokis al diversaj manifestacioj en Kimrio, Skotlando kaj Anglio kontraŭ la hispana subpremado kaj ĝia polica brutaleco. Dum ilia disvolvado oni postulos la liberigon de la politikaj prizonuloj kaj subtenos la aspiron al kataluna sendependeco.

 
Moto: Staru por Katalunio

dimarts, 22 d’octubre de 2019

diumenge, 20 d’octubre de 2019

Sondado pri hodiaŭa balotemo (elportita el Twitter)

Imatge
En flava koloro Katalunio; en malhelblua Nafaro (Eŭsklando laŭ historio); en verda Eŭskio



Kvankam neindikite en la grafikaĵo, la verŝajne plej voĉdonata partio en Katalunio  estus ERC (Respublikana Maldekstro de Katalunio), la aliaj menciitaj estas JxCAT (centro-dekstra) kaj CUP (katalunismaj maldekstruloj, socialistoj+liberecanoj). Ĉiuj tri favoraj al sendependeco.

Por viziti la sondadretejon klaku: ĉi tie

Barcelona televidkanalo

Alia televidkanalo kiu sekvas tre proksime la okazaĵojn en Katalunio kaj ĉefe en Barcelono estas la loka televido de la ĉefurbo, nome Betevé. Per ĝi vi povos vidi fotojn kaj spekti videojn, kaj provi kompreni la informojn se vi estas familiarigita kun latinidaj lingvoj (Esperanto ankaŭ helpos vin plejverŝajne)

"Malmultaj tumultoj en la kvina tago de protestoj kontraŭ la verdikto en Barcelono"

Sekvoj de la manifestacioj ĝis nun

La ĵurnalisto kaj politikologo Carles Heredia informas jene:

1 gravega vundito
9 gravaj vunditoj
Centoj da vunditoj
3 homoj perdis okulon, pri 1 oni atendas evoluon
17 junuloj malliberigitaj
Centoj da arestitoj

Se vi havas alireblon al Facebook, eblas spekti la polican brutalecon per video:  ĉi tie

dissabte, 19 d’octubre de 2019

Voko de Demokratia Tsunamo al interparolado


"Ni alvokas al internacia komunumo preni klaran sintenon favore al la solvo de la konflikto inter Katalunio kaj Hispanio, bazita sur dialogo kaj respekto. Estas unu sola vojo: sidi kaj paroli, sidi kaj paroli."

Retĵurnaloj por scipovantoj de la angla

Mi memorigas ke, la kataluna retĵurnalo Vilaweb publikigas version de siaj novaĵoj en la angla. Vilaweb sekvas tre proksime kaj abunde la politikajn kaj sociajn okazaĵojn de Katalunio.
Alternative oni povas ankaŭ viziti la retan anglan version de la ĵurnalo Ara, kie vi trovos pli da informoj malpli koncentritaj en nia lando.

Manifestacio en San Sebastián-Donosti (Eŭskio)

En San Sebastián estis organizita grandega manifestacio en solidareco kun Katalunio. La manifestantoj lanĉis sloganojn en la kataluna lingvo, kiel ekzemple: "els carrers seran sempre nostres" ("la stratoj estos ĉiam niaj"=> "niaj" signifas ĉi kaze "de la kontraŭfaŝismaj civitanoj"). La manifestaciantoj laŭtvoĉis ankaŭ por peti la liberigon de la politikaj prizonuloj kaj la sendependecon.



Fonto: Vilaweb

Sesa sinsekva tago de protestoj

Miloj da homoj protestas kontraŭ la subpremado kaj la polica brutaleco

Milers de persones es manifesten en contra de la repressió i la brutalitat policial / CRISTINA CALDERER

La kataluna prezidento Torra postulas tujan kunvenon kun Pedro Sánchez por solvi la konflikton kun Katalunio. Li asertas ke, "neniu perforto nin reprezentas"

Torra reclama a Sánchez a obrir un diàleg de "forma immediata" per resoldre el conflicte amb Catalunya

La prezidanto de la kataluna parlamento, la urbestrino de Barcelono, la sindikatoj, reprezentantoj de la entreprenistoj kaj diversaj asocioj kunvenas por "fini ĉiujn perfortojn"

L'alcaldessa de Barcelona, Ada Colau, i el president del Parlament, Roger Torrent, al despatx d'audiències

La Konsilio por la Respubliko petas al la kataluna polico ke ili agadu kiel "demokratia polico". Ĝi petas ankaŭ la retitiĝon de la hispanaj polico kaj sekureckorpusoj el Katalunio

Resultado de imaxes para consell per la republica

Ok gravaj vunditoj kaj unu tre grava okaze de la tumultoj en Barcelono.
Almenaŭ 58 ĵurnalistoj ricevis agreson dum ili disvolvigis sian surstratan informlaboron.
Internacia Amnesto denuncas la troan uzon de la forto far la polico kontraŭ la manifestaciantoj 
La sendependentismo respondas al al hispana tribunalo per kolapso de la lando (Katalunio)

Les columnes provinents de Berga i Vic van arribar ahir a l’avinguda Meridiana de Barcelona.

Fonto: Ara

divendres, 18 d’octubre de 2019

La gazetaro diras...

  • Le Monde: "La Marŝoj por la Libereco blokas la ĉefajn alirojn al Barcelono pro la ĝenerala striko."
  • Le Soir: "Ĝenerala striko en Katalunio; nuligitaj flugoj kaj blokitaj ŝoseoj."
  • France Info: "Kvin demandoj pri la gigantaj manifestacioj de Katalunio"
  • The Guardian: "La ĝenerala striko de Katalunio fermas Barcelonon."
  • Reuters: "Miloj da homoj alvenas en Barcelonon je la kvina tago de manifestacioj."
  • La Reppublica: "Katalunio, kunfrontiĝoj kaj tumultoj; prokrastiĝas la Barça-Madrid, oni fermas la Sagrada Familia-n."
  • AFP: "Ĝenerala striko en Katalunio kaj la Marŝoj por la Libereco alvenas en Barcelonon."
  • Euronews: "Kiel aperas la protestoj de Barcelono kun tiuj de Honkongo?"
  • BBC: "La protestoj de Barcelono fermas la templon de Sagrada Família."
  • Daily Mail: "Miloj da manifestaciantoj marŝas tra Katalunio."
  • The Independent: "Miloj da katalunoj marŝas post la enprizonigo de sendependismaj gvidantoj."


fonto: Vilaweb

Okazaĵoj ĝis vendredo


Manifestaciantoj kolapsas la centron de Barcelono
La hispana polico pafas per gumkugloj en urba strato
La Marŝoj por la Libereco enskribiĝas en la historio
La ĝenerala striko, pli sekvata ol la antaŭa (3an de oktobro)
Komitatoj por Defendo de la Respubliko vokas al urba tendumado
Pikniko por la Respubliko kolapsas la ĉirkaŭon de Sagrada Família
La ŝtato provas bloki la retejon de DemokratiaTsunamo
Alerta Solidària denuncas la enprizonigon de naŭ manifesaciantoj
Comuns (kataluna maldekstrularo) kunvokas al la manifestacioj

Daŭrigu la informiĝon per bildoj kaj videoj ĉe: Vilaweb

Iru rekte al la fotaro: ĉi tie

La kataluna tv-kanalo TV3 ankaŭ informas ofte pri la okazaĵoj

Ĝenerala striko en Katalunio


La ĝenerala striko komenciĝas kune kun trafikinterrompo en la aŭtoŝoseoj AP-7, AP-2 kaj aliaj ŝoseoj

Estis kunvokita por hodiaŭ ĝenerala striko por protesti kontraŭ la verdikto de la hispana Supera Tribunalo. Oni antaŭvidas amasan partoprenon kaj interrompojn de la cirkulado de veturiloj ekde frue matene. Vespere la Marŝoj por la Libereco kunfluos en Barcelono. Oni antaŭvidis grandan manifestacion kiu eliros el la kvartalo Gràcia (Jardinetes de Gràcia)

Fonto: Vilaweb


dimecres, 16 d’octubre de 2019

Marŝoj por la Libereco (Marxes per la Llibertat)

Marxes per la Llibertat

Kataluna Nacia Asembleo kaj Òmnium Cultural organizis unuiĝan kaj multnombran aktivaĵon por respondi al la verdikto de la hispana Supera Tribunalo kontraŭ la kataluna procezo. Temas pri kvin marŝoj, t.n. Marxes per la Llibertat (Marŝoj por la Libereco), kiuj eliris el kvin urboj: Girona, Vic, Berga, Tàrrega kaj Tarragona. Ili trairos vilaĝon post vilaĝo ĝis alveni, vendrede, en Barcelonon. La kolumnoj kunfluos en manifestacio kunvokita de sindikatoj je la 17 h. ĉe Jardinets de Gràcia (konata ĝardeneto en kvartalo Gràcia).

.

Krom tio, la Komitatoj por Defendo de la Respubliko, kiuj subtenas la iniciaton, origanizos sesan kolumnon, kiu ekos vendrede el urbo Castelldefels direkte al Barcelono.

La marŝoj komenciĝas du tagojn post la publikigo de la verdikto kontraŭ la kataluna procezo, kiu instigis ondon da protestoj kaj indigniĝoj jam lunde matene. La sukcesa amasokupado de la barcelona flughaveno far Demokratia Tsunamo, la surpriza blokado de la madrida flughaveno en Madrido, la homkolektiĝoj lunde vespere krom trafikinterrompoj hieraŭ, ĉie en Katalunio, estis la precedencoj de la marŝoj.

Fonto: Vilaweb

Imatge de la Marxa organitzada per l'ANC a Tàrrega / PERE VIRIGILI


Fonto de la bildo: Ara

Imatge





dilluns, 14 d’octubre de 2019

La futbala trejnisto Josep Guardiola petas internacian intervenon

La futbala trejnisto Josep Guardiola publikigis, nome de la Demokratia Tsunamo, videodeklaron por peti la intervenon de la internacia komunumo antaŭ la aŭtoritatema misevoluo de Hispanio kaj postulas dialogon kun la hispana prezidento Sánchez. La video estis diskonigita de la amaskomunikiloj BBC, France Press kaj TV3.




Protestoj en Katalunio (kaj Hispanio)

Homkoncentriĝoj en placoj kaj stratoj de Katalunio
Publika protesto de la nuna kataluna parlamentestro kaj de la eksaj
Madrida flughaveno kolapsita per malrapidmarŝo de centos da aŭtoj
Miloj da manifestantoj kolektiĝas en la flughaveno de Barcelono (pli ol cent flugoj estis nuligitaj, la polico vundigis kvindekses homojn)
La ekzilita kataluna prezidento Carles Puigdemont vokas al ĉies mobilizo
La urbestrino de Barcelono, Ada Colau, petas al la civitanaro altigi la voĉon kontraŭ la maljusteco
La Internacia Komitato de Juristoj denuncas Hispanion: " La kondamno de la katalunaj gvidantoj atencas kontraŭ la homaj rajtoj"
Teatroj, festivaloj, eldonejoj kaj librovendejoj nuligas siajn programitajn aktivaĵojn
Miloj da homoj en Valencilando manifestacias por montri rifuzon al la kondamno
Sportaj kluboj kaj sportasocioj asertas publike: "Prizono ne estas la solvo"
Nicola Sturgeon: "La estonteco de Katalunio devas decidiĝi tra balotujoj ne en juĝejoj"



Turistes que intenten arribar o sortir de l'aeroport es barregen amb manifestants als voltants de la T1 / CÈLIA ATSET

La zona d'arribades de la T1, totalment col·lapsada pels manifestants



Fonto: Vilaweb kaj Ara

La protestoj en Katalunio kontraŭ la verdikto. La Demokratia Tsunamo

"RAJTOJ·LIBERECO·MEMDETERMINO"
Sub la nomo Tsunami Democràtic (Demokratia Tsunamo) antaŭeniras socia anonima iniciato kiu celas kunordigi la civitanan proteston kontraŭ la prizona verdikto de la gvidantoj de la sendependisma popola movado.
Kio estas Tsunami Democràtic? jen mi tradukas informon de la retĵurnalo Vilaweb, kiu reproduktas la sin prezenton de la respondeculoj:

La Demokratia Tsunamo estas iniciato kiu prezentiĝis tra la sociaj retoj, ĝi aperis el la civila socio kaj ĝuas la komplicecon de ĉiuj sendependismaj partioj kaj asocioj. La celo estas vehikuli la respondon al la verdikto de la hispana Supera Tribunalo pri la kataluna sendependiĝa procezo. Tiu ĉi respondo baziĝas sur la neperforto kaj la civila malobeemo.

Jen bildekzemplo de Tsunami-mesaĝo en Twitter:

"Ni reprenu la iniciatemon! Per la neperforto kaj la civila malobeado kiel iloj, ni superpaŝu la verdikton. Ni ŝanĝu la staton de la aferoj: aliĝu al la #Demokrata Tsunamo Vi estas la tsunamo!"

Demokrata Tsunamo lanĉis kanton La força de la gent ( La forto de la homoj) akompanata de bildoj:

La verdikto de la hispanaj juĝistoj


Liberu prizonuloj!


dimecres, 9 d’octubre de 2019

Ĉemiza mesaĝo de manifestanto

Foto de Montserrat Bonet.
"Ĉu vi estas por aŭ kontraŭ sendependismo, tio tute ne gravas. Temas pri tio ke, la popolo deziras paroli kaj oni silentigas ĝin per draŝoj"

dimarts, 1 d’octubre de 2019

Memoro pri la 1a de oktobro de 2017

Antaŭ du jaroj, la katalunoj memorganiziĝis por demokratie baloti pri sia estonteco. Jen bildkolekto pri la evento


dimarts, 10 de setembre de 2019

Pri la ĉijara Diada (la nacia festotago de Katalunio)

Ĝis nun enskribiĝis pli ol 400.000 homoj, laŭ lasta cifero publikigita de la Kataluna Nacia Asembleo. Oni vendis por la evento 250.000 T-ĉemizojn kaj 1.200 busoj estis rezervitaj por la aliro.



Slogano de 2019

Interesiĝantoj povos spekti la disvolvon de la manifestacio tra la kataluna tv-kanalo 3/24, ĉefe ekde la 17:00 h. sed kun raportoj pri diversaj aktivaĵoj dum la ruta tago. Ankaŭ la ĉefkanalo TV3 elsendos abunde.







dijous, 15 d’agost de 2019

Kio estas Proactiva Open Arms (traduko el Vikipedio)

20151030 Syrians and Iraq refugees arrive at Skala Sykamias Lesvos Greece 2.jpg

Proactiva Open Arms estas kataluna NRO, fondita en la urbo Badalona (apud Barcelono), kun la celo savi homajn vivojn en la maro. Ĝi estis kreita en oktobro de 2015, ĝia unua ago estis organizi setlejon en Lesbos. Tie, volontula grupo ekhelpis siriajn rifuĝintojn kiu klopodis atingi la insulon en malfacilegaj kaj mortdanĝeraj kondiĉoj.
Dankon al ilia agado, Proactiva Open Arms estis agnoskata per diversaj premioj, inter kiuj rimarkindas la premio Ciutadà Europeu 2016 (Eŭropa Civitano 2016). Ĝia fondinto, Òscar Camps, estis nomumita Català de l'Any (Kataluno de la Jaro).

Origino
Origine,  Proactiva estis entrepreno pri marservoj, specialiĝinta pri akvo sekureco kun la nomo Pro-Activa Serveis Aquàtics kaj establita en Badalona. Pro la rifuĝinto-krizo kaj post la publikigo de fotoj  de kadavroj en la amaskomunikiloj, en septembro 2015, la direktoro de Pro-Activa, Òscar Camps, decidis vojaĝi al Lesbos kune kun tri aliaj membroj de la entrepreno. Vidante la mankon de surloka organizado, la kataluna teamo decidis resti en la greka insulo. La entrepreno tre spertis pri kontrolado de plaĝoj do, ili povis uzi siajn konojn por alfronti la mortojn kiu estis abundaj en la egea maro.

Aliaj iniciatoj
Fine de majo de 2016, oni diskonigis ke Proactiva estis decidinta uzi ŝipon por navigi en la centra Mediteraneo kaj asisti la migrantojn kiuj eliris el la libiaj marbordoj. Pro la akordo inter  EU kaj Turkio, kiu malfaciligis la vojaĝon en Egeo, oni malfermis aliaj alternativajn itinerojn antaŭe duonforlasitajn pro ilia danĝereco. Tiel, la kataluna NRO marŝigis ŝipojn inter Libio, Egiptio kaj Italio.

Plia informiĝo:
En vikipedio, versioj germana, angla, hispana, eŭska, franca, itala kaj kataluna (el kiu mi ekprenis ĉi parteton)