dilluns, 15 de gener de 2018

La hispana registaro blokas la Bazan Enspezon en Katalunio



La Ministerio pri Laboro ordonis  ĉesigi la pagon de la Renda Mínima Garantida (baza enspezo por civitanoj en situacio de povreco) pere de la artikolo 155 (tiu kiu servis por elpovigi la legitiman katalunan registaron). Sekve de tio, centoj da homoj ne ricevas monhelpon jam de antaŭ tri monatoj.
...
Nuntempe estas 27.000 homoj rajtigitaj ricevi la bazan enspezon, tiuj kiuj antaŭe ricevis la nun eksan Renda Mínima d'Inserció (Minimuma Enspezo por Ensociiĝo) sed en atendo estas aliaj 70.000 petoj. 

...

Laŭ informis radio-kanalo SER, Generalitat (Kataluna Registaro) kredas ke la hispana registaro uzas la bazan enspezon kiel ilon por premi la katalunan registaron tiel ke ĝi malsukcesu.

Siaflanke, la sindikato CCOO de Katalunio, denuncas la paralizigon de la monhelpo, kiu "lasas sen monrimedoj la familiojn plej fragilajn", laŭ deklarite al ĵurnalo Ara. Ĝi aldonas ke la baza enspezo estas "ne rezignebla" rajto kiu ne povas estis "dependanta de politikaj interesoj el iu ajn koloro".

Fonto: Directa

dilluns, 8 de gener de 2018

"Cassolada" (Kaserolado) neologismo de la jaro


La dua pozicio estis por "fer pinya"(strobilumi=> grupe subteni, simboligite per strobilo/=pinfrukto). Ankaŭ ricevis multajn voĉdonojn la terminoj "feminicidi" (feminicido => morto de virino pro murdo) kaj "micromasclisme" (mikromasklismo => seksismaj kondutoj ofte preteratentataj en la ĉiutaga vivo)

"Cassolada" ĝis nun, laŭ Diccionari de la Llengua Catalana signifis nur manĝo sole kuirita per kaserolo. Ekde hodiaŭ tamen, la kataluna Diccionari aldonas novan sencon: "kolektiva protesto en kiu oni bruas per kaseroloj". Tiel decidis 23,8% el 5.600 homoj kiuj partoprenis en la kvara malferma alvoko organizita de la Neologia Observejo de la Universitato Pompeu Fabra kaj la Instituto pri Katalunaj Esploroj, kun la celo elekti la neologismon de la jaro.

Fonto: Ara

divendres, 5 de gener de 2018

Vicprezidanto en mallibero

HISPANA SUPERA TRIBUNALO TENAS KATALUNAN VICPREZIDANTON JUNQUERAS EN PRIZONO.
Tiel ke li ne povos partopreni en la parlamento laŭ la reelekto de la kataluna popolo.
Jen lia ĵusa reago:
"En la venontaj tagoj, tenu vin fortaj kaj kune. Transformu la indigniĝon en kuraĝon kaj persistemon. La koleron en amon. Pensu ĉiam en la aliaj. En tiom kiom ni devos rekonstrui. Persistu ĉar mi persistos. Dankon al ĉiuj pro via subteno. Mi amas vin."

Oriol Junqueras
Junqueras:
"En aquests dies que vindran, mantingueu-vos forts i units. Transformeu la indignació en coratge i perseverança. La ràbia en amor. Penseu sempre en els altres. En el que hem de refer. Persistiu perquè jo persistiré. Gràcies per tot el vostre suport. Us estimo."

Fonto: Facebook


dijous, 4 de gener de 2018

Maldekstro plu kreskas dum la sendependisma procezo



Se ni akceptas ke la maldekstro estas PSC, Catalunya en Comú-Podem, ERC kaj CUP dum dekstro estas Junts per Catalunya, Ciutadans kaj PP, la elekto-rezultato de la 21 de decembro montras la venkon de la dekstruloj per 74 deputitoj (36 Ciutadans, 34 Junts per Catalunya kaj 4 PP), ĉe la alia tendaro, la maldekstruloj atingas 61 deputitojn (32 ERC, 17 PSC, 8 CeC kaj 4 CUP). Se ni komparas la datumojn kun antaŭaj elektoj, ni vidos klaran pozitivan evoluon je la nombro de maldekstraj deputitoj: en 2010 estis 48, en 2012 estis 57 kaj nun estas 61.

Fonto: Vilaweb

Solvo por reenposteniĝo de prezidento

Hispana Tribunalo ordonis prizonon por Puigdemont, valida sur hispana teritorio

dimarts, 26 de desembre de 2017

Sant Esteve (Sankta Stefano) , festo post la kristnaska festo



Amadeu Carbó (historiisto) diras ke, en la 9a jarcento, la Malnova Katalunio apartenis al imperio fondita de Karolo la Granda kaj dependis de la episkopejo de Narbono, malsame ol okazis en la cetero de la kristana iberia duoninsulo, dominata de la gotoj kaj ligita al la episkopejo de Toledo. Tio difinis du malsamajn konceptojn pri familio. Tiu karolida  estis multe pli vasta, kvazaŭ klano kaj, kiam venis grava festodato nepris vojaĝi al la familiara ĉefhejmo.

Tiel estis pri Kristnasko, la plej grava festo en la religia kalendaro, kiu kunvenigis la tutan familion ĉirkaŭ la kamenfajro. Pro tio, ke en mezepoko la vojaĝoj kutime estis longaj, la mallumo intensa kaj la vojaĝrimedoj malbonaj, homoj bezonis unu tutan tagon por reveni al la propra hejmo. Tial, en la komenco, la tagon de Sant Esteve iĝis nelabora tago, kvankam tio ne egalas al festotago.

Pro la sama motivo ol Sant Esteve, oni klarigas la feston nomata Dilluns de Pasqua Florida (Florpaska Lundo) kaj Dilluns de Pasqua Granada (Pentekosta Lundo): Kristnasko kaj la du aliaj paskaj tagoj estas entute la ĉefaj festoj de la religia kalendaro. Tiu tradicio ligas nin ankaŭ al la ceteraj eŭropaj landoj, ĉar ankaŭ tie sentiĝis la karolida influo, kiu post kelkaj jarcentoj devenigis la ĉefajn eŭropajn ŝtatojn.

Nuntempe Sant Esteve estas festo forte enradikiĝinta en Katalunio kaj en tiu tago oni kutimas manĝi kanelonojn kaj farĉitan kokidaĵon (aŭ rostitan ŝafidaĵon). Je deserto oni manĝas neules (tubformaj biskvitoj) kaj torrons (plej ofte rektangula kuko origine el migdalo, mielo kaj ovo sed nuntempe el plej diversaj ingrediencoj). En Valencilando, Sant Esteve populariĝis kiel dua kristnaska tago, kaj ĉesis esti festotago en la 1990aj jaroj. En la Balearaj Insuloj ĝi estas nomata ankaŭ la mitjana festa (meza festo) kaj jam de tre longe ĝi ne plu estas festotago.
Fonto: Vilaweb

diumenge, 24 de desembre de 2017

Kresko de la sendependisma movado

Fine, sumitaj la balotoj el eksterlando, la sendependismo atingas 2.078.008 balotojn en la pasintaj elektoj por la kataluna parlamento. Tio estas, 115.500 pli ol en 2015 kaj 33.970 pli ol en la pasinta 21a de oktobro 2017.

Katalunoj en eksterlando balotis jene: 54,15% por sendependa respubliko kaj 36, 36% por uniisma monarkio. Por neniu el ambau inklinoj balotis 6,95%.

Noto: multaj homoj en eksterlando plendis pro la "misfunkciado" de la poŝtservo kiu malfaciligis kaj en multaj kazoj malebligis efektivan balotadon.

Grafiko pri la rezulto de la balotado. Lastmomente, tamen, C's perdis unu parlamentan sidlokon (37=>36) favore al PP (3=>4)



Por:
Sendependa Respubliko: JUNTS x CAT, ERC kaj CUP  [70 sidlokoj en la parlamento]
Uniisma monarkio: C's, PSC kaj PP  [57 sidlokoj]
Federaciismo: CatComú-Podem  [8 sidlokoj]