dijous, 6 de setembre de 2007

Simioj kaj infanoj en komparo

Simio kapablas solvi etajn sumojn kaj uzi ilojn kiujn infano 2-jara ne sukcesas eĉ ĝuste preni, tamen la infano estas, je tiu aĝo, pli inteligenta ĉar li lernis el la kulturetoso interpreti la intencojn kaj imiti la plenkreskulojn cele al solvo de problemoj, lia inteligento sekve ne ŝuldiĝas al pli granda cerbo.
Alidirite,la homa inteligento ŝuldiĝas al specialiĝo de la kulturo kaj ne al ĝenerala inteligento asociigita al pli granda cerbo, laŭ esploro disvolvita dum la lastaj 4 jaroj far internacia skipo. Inter la analizistoj troviĝas la hispanoj Josep Call kaj Victoria Hernández-Lloreda.

Tiu esplorlaboro estos publikigita morgaŭ, 7a de septembro, en la revuo Science. Ĝi estis bazita sur testoj al 106 ĉimpanzoj, 32 orangutanoj kaj 105 infanoj 2-jaraj.
(elkatalunigita artikolero de El Periodico, vidu ĉi tie)

1 comentari:

Anònim ha dit...

Dankon pro la atentigo; mi legis la tre interesan raporton (http://www.sciencedaily.com/releases/2007/09/070906144113.htm). Strange, tamen, alia versio de la raporto atribuas la sociajn lertecojn mem al pli grandaj cerboj (http://news.nationalgeographic.com/news/2007/09/070906-human-brain.html).

Mi konfesas je ioma konfuziteco :) Ĉiuokaze, laŭ mia memoro la precipa korelativo de inteligento estas la grandeco de la cerbo relative je la grandeco de la cetera korpo... aŭ simile.

Ken